حمو بيكا بعد وجوده في افتتاح مطعم بدون إجراءات احترازية: "أنتم مش فاهمين حاجة"
تعرض مطرب المهرجانات، حمو بيكا، للعديد من الانتقادات، بسبب مقاطع الفيديو التي نشرها وظن البعض أنها من افتتاح مطعمه الجديد، وأثارت الفيديوهات غضب الجمهور بسبب مخالفة الإجراءات الاحترازية لفيروس كورونا.
ورد حمو بيكا على تلك الانتقادات، في فيديو نشره عبر حسابه الرسمي بموقع التواصل الاجتماعي “فيس بوك”، موضحًا حقيقة الأمر، وقال: “عملت فيديو إمبارح الناس قالتلك إني عامل افتتاح، ولكن ده مش المطعم بتاعي، ده مكان مفتوح في إسكندرية من مشاريع عبد الفتاح السيسي اسمه مركب زيد في سموحة، وأنا حبيت إني أنزل أشارك أهلي وناسي الإسكندرانية الفرحة، وده مشروع ناجح ومعمول للشباب”.
ووجه رسالة لمنتقديه: “مش كل حاجة تمسكوا فيها وتخربوا الدنيا، وأنتم مش فاهمين حاجة، وبلاش تتهموا حد من غير ما تفهموا فيه إيه، ومش كل حاجة واخدينها قفش وعايزين تخبطوا فيها وخلاص”.
حمو بيكا
وتابع: “أنا بس حبيت أوصل المعلومة لإخواتي اللي بيحبوني، وفجأة لقيت الناس كلها بتقول حمو بيكا مش واخد الإجراءات الاحترازية، الحمد لله اليوم عدى جميل وحلو، وكان في الحلفة كمان أحمد شيبة وهو اللي كان بيحيي الافتتاح”.
وأضاف: “كله جه عليا ولكن أنا قولت الحمد لله وكل أذان بحمد ربنا، وياريت كل واحد يركز في مستقبله”.
